TORTURAREN AURKAKO MANIFESTAZIOA. Milaka lagunek bat egin dute torturaren aurka Donostian

'25 urte torturapean. Aski da' leloarekin TATek antolatutako manifestazioari jende oldeak erantzun dio

gurutze izagirre intxauspe
2004ko otsailaren 15a
00:00
Entzun
Milaka lagun 20.000 antolakuntzaren arabera bildu ziren Donostian torturaren aurka atzo,Torturaren Aurkako Taldeak antolatutako manifestazioan. 25 urte torturapean. Aski da zioen pankartaren leloak. Torturak salatu dituzten hainbat lagunek eraman zuten pankarta, hala nola: Unai Romano, Martxelo Otamendi, Anika Gil eta Leire Gallastegik. Horiekin batera, polizia etxeetan hil diren pertsonen senideek eraman zuten pankarta: Xabier Kalparsoro, Gurutze Iantzi, Mikel Zabalzaeta Joseba Arregiren senideek, hain zuzen ere. Haien atzera bildu zen jende oldeak zeharkatu zituen Donostiako kaleak.

Arratsaldeko 17:30ean puntuan abiatu zen manifestazioa Donostiako Bulebarretik. Pankarta nagusiaren atzean, TATek egindako deialdiarekin bat egin zuten alderdi politikoetako eta hainbat eragile sozialetako jendea bildu zen. Besteak beste, Arnaldo Otegi, Pernando Barrena, Joseba Permach eta Koldo Gorostiaga Batasuneko kideak, Martin Aranburu eta Rafa Larreina EAkoak, Juan Martin Elexpuru Aralarrekoa, Pedro Albite AuBkoa, Jesus Mari Gete LABekoa, Maixus Rekalde Elkarri-ko kidea eta TATeko hainbat kide izan ziren.Hasieratik amaiera arte Ertzaintzaren lau furgonetek manifestazioaren ibilbidea egin zuten pankarta nagusiaren aurretik. Baina ez zen inolako arazorik izan.Hainbat lelo aldarrikatu zituzten manifestatzaileek Donostiako kaleetan. Besteak beste, La policía tortura y asesina, Errepresioa ez da bidea, Ez, ez, ez torturarik ez eta Hemen torturatzen da leloak izan zituzten gehienbatahotan.Manifestazioak nahiko azkar egin zuen ibilbidea, eta Donostiako erdialdeko kaleak zeharkatu ahala, abiapuntura iritsi zen berriro manifestazioaren burua, Bulebarrera. Hainbat lagunek ezin izan zuten manifestazioaren hasierara heldu, Donostiako kaleak bete-bete eginda zeudelako. Horietako askok manifestazio amaierara iritsi ziren, eta Bulebarrean itxaron zioten manifestazioaren buruari.

Burua iritsi eta ordu erdi ondoren, jendea iristen

Hala ere, manifestazioarenamaieran zeudenak burua baino ordu erdi geroagoiritsi ziren Bulebarrera, 18:45 aldera. Manifestazio amaiera aldean, beste pankarta bat ikus zitekeen, Barañaingo hainbat lagunek eramana. Barañain, 100 ahots errepresioaren aurka zioen pankarta hartako leloak.

Manifestazioaren buruak Bulebarreko kale nagusi osoa bete zuen. Eta haren amaieran eman zuen antolakuntzak bukaerako mezua. Baimena ere hala eskatuta zegoela esan zion Iñigo Elkoro TATeko kideak Berriari. Ezezkorik jaso ez, eta atzo goizean oholtza jarri zuten. Oholtza jarri ondoren, ordea, Donostiako zinegotzi bat udaltzainekin etorri eta oholtza kentzeko esan zien, «bestela ez zela ekitaldirik izango». Hori dela eta, Bulabarreko kioskoan egin behar izan zuten amaierako ekitaldia.Manifestazioaren amaieran, kioskoaren pean pankarta eraman zutenak jarri ziren. Bulebarreko kioskora iristen ari zen jendeak txalo artean hartu zituen. Kioskoan, berriz, Jon Martin bertsolariak eta Anikal Gil eta Leire Gallastegik hartu zuten hitza.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.