Gipuzkoako Auzitegiaren epaiarekin bat eginez, Lasak eta Sebastianek "zauri txiki batzuk" baino ez zituztela ebatzi du Espainiako Auzitegi Gorenak, eta zauri horiek "bat datozela" atxiloketa bortitz baten ondorioekin. Beraz, tortura zantzurik ez du ikusi Auzitegi Gorenak.
Lasa eta Sebastian 1998ko maiatzaren 2an atxilotu zituzten, Donostiako Loiola auzoan. Gorenak frogatutzat eman duenaren arabera, bi lagun horiek Espainiako Armadak Loiolan duen kuartelaren inguruan granadak jaurtitzeko bi hodi jarri zituztela ohartu ziren guardia zibileko kide batzuk, eta atxilotzeari ekin zioten. Lasak pistola bat zeramala konturatu ziren, eta horregatik "indarrez" atxilotu zituzten. Gorenaren iduriko, borroka horretan egindako zauriak ziren gero forentseak ikusi zituenak.
Torturak
Torturengatik epaitutako bi guardia zibilen absoluzioa berretsi du Espainiako Auzitegi Gorenak
ETAko kideak zirela-eta 1998an atxilotutako Sebastian Lasak eta Alfonso Sebastianek salaketa jarri zuten bi guardia zibilen aurka, torturatu egin zituztela argudiatuz. Gipuzkoako Auzitegiak absolbitu egin zituen bi guardia zibil horiek, eta, orain, Espainiako Auzitegi Gorenak haien absoluzioa berretsi du. Hain justu, atzera bota du egun preso dauden bi lagun horien defentsak ezarritako helegitea.
Iruzkinak
Ez dago iruzkinik
Ordenatu
