Trafiko isunen aurrekariak kendu beharko dituzte, jarri eta hiru urtera

Espainiako Trafiko Zuzendaritzak onartu egin ditu Europako Gidarien Elkarteak aurkeztutako argudio juridikoak. Hori kontuan hartuta, Datuen Babeserako Legea bete, eta kendu egingo ditu trafiko isunen aurrekariak. Horri esker, hainbat gidarik galdu zituzten puntuak berreskuratu ahal izango dituzte. «Oso pozik gaude, lehen aldia baita halako helegite edo argudio batzuk onartzen dituztela. Orain arte kontrako jarrera zuten». Jarrera horren ondorioz, milaka herritar gidatu ezinik egon direla salatu du elkarteak. Azken urteetan, adibidez, uste dute 200.000 isun inguru geratu behar zirela bertan behera, iraungita zeudelako.Etorkizunean bide beretik jarraituko du lanean elkarteak.