Espainiako Auzitegi Konstituzionalak tramitera onartu ditu Espainiako Gobernuak osasaun eta hezkuntza arloan agindutako murrizketen aurka Eusko Jaurlaritzak aurkeztutako helegitea. Jaurlaritzak argudiatu zuen hezkuntza eta osasun erreformek Euskal Autonomia Erkidegoarenak diren hainbat eskumen urratzen dituela.
Iazko apirilean onartu zuen Espainiako Gobernuak ikasgeletako ikasle kopurua %20raino igotzea eta unibertsitateetako tasak handitzea, besteak beste. Ikasleek ikasketen %15 eta %25 artean ordaindu behar dute erreformarekin.
Osasun arloan, berriz, berrordainketa pentsiodunei zabaldu eta paperik gabeko etorkinei osasun txartela kendu zien Espainiako Gobernuak.
