Transferentziak ontzat jo arren, Estatutua agortuta dagoela iritzi dio Aralarrek

EAJren eta PSOEren arteko negoziazioak hizpide izan ditu Radio Euskadin Jon Abril Aralarreko koordinatzaileordeak. Bere ustez, ona da falta diren 32 eskumenen transferentzia, baina uste du ez dela ona eskuduntzen transferentziak aurrekontuen negoziazioetan oinarrituta egitea. Gainera uste du Estatutua agortuta dagoela.

Hurrengo hauteskundeei begira, haren ustez ezker abertzaleak ezingo du aurkeztu: «Espainiako Gobernuak, daukan jarrera ahularekin, ez dut uste Alderdien Lege berri bat edo lege horren interpretazio malguagoa egingo duenik». Nafarroa Bairen oinarriak onartzen baditu koalizioan sartzeko aukera izango duela deritzo. Egun, Batzarre barruan ikusteko aukera, berriz, «zail» ikusten du.