Gipuzkoan arreta onkologiko «bakarra eta kalitatezkoa sendotzeko bidean», Eusko Jaurlaritzako Osasun Sailak eta Onkologikoa Fundazioak bost urterako hitzarmena sinatu dute. Hitzarmenaren nondik norakoak Donostian eman dituzte gaur arratsaldean Jon Darpon Eusko Jaurlaritzako Osasun sailburuak eta Xabier Iturbe Kutxako presidenteak.
Sinatutako itunari esker, bi aldeek nabarmendu dute «aurrerapausoa» eman dutela Donostiako Onkologikoan eta Donostiako Unibertsitate Ospitaleak tratamendu protokolo bateratuak ezartzeko bidean. Halaber, informazio sistemak "zeharo" integratuko dituzte elkarrekin.
Darponek nabarmendu hitzarmenarekin gauzatu egin dutela Onkologikoarekin, langileekin eta Gipuzkoako gizartearekin hartutako "konpromisoa". Iturbek adierazi du Onkologikoa "gaur egungo erreferentziazko proiektua" dela, eta "etorkizunerako lehentasun bat" dela Kutxaren Gizarte Ekintzarentzat.
