Onartutako egitasmoaren arabera, azkartu egingo dituzte umeak —bereziki 3 urtetik beherakoak— adopzioan hartzeko tramiteak, familia giroan haz daitezen. Ministroen kontseilu osteko agerraldian, adingabeak sexu delituengandik ere babesteko neurrien berri eman du Soraya Saenz de Santamaria Espainiako Gobernuko presidenteordeak.
Besteak beste, sexu askatasunaren kontrako delituengatik zigortutakoek ezingo dute jardun haurrekin ohiko harremana izatea eskatzen duten lanbideetan.
2011n Espainiako Berdintasun Ministerioak egindako inkestaren arabera, 18 urtetik beherakoen %10,1ek jasaten dituzte amaren aurkako tratu txarren ondorioak. Aita erasotzaileen eta seme-alaben arteko harremanei buruzko eztabaida piztu du horrek.
