TRATU TXARREN AURKA

Animaliei egiten zaizkien tratu txarrak salatzeko, ehunka lagun atera ziren kalera, atzo, Hego Euskal Herriko hiriburuetan. No Al Maltrato Animal Espainiako elkarteak antolatu zituen elkarretaratzeak, eta horietan animalien babeserako legea gogortzeko eta etxeko animalien babeserako Europako hitzarmena sinatzeko eskatu zioten Espainiako Gobernuari —irudian, Gasteizko elkarretaratzea—. Bilbon, eguerdian, sinadurak bildu zituzten Guggenheim museoaren ondoan, eta Donostian eta Iruñean manifestazioak egin zituzten.