Trebiñuko biztanleen %10ek egiten du euskaraz

Trebiñuko enklabean nabarmena da bertako biztanleek euskararen aldeko jarrera daukatela. Datu batzuk ematearren, biztanleen erdiek diote euren haurrek gutxienez B ereduetan ikasi behar dutela. Bestalde, trebiñarren %29k dio euskararekiko interes handia daukala, eta beste %25ek diote nolabaiteko interesa daukatela. Euskaraz dakitenak, berriz, %10 dira. Horietako gehienak euskara ikasi dutenak dira, biztanleen %3,2k baino ez dutelako euskara ama hizkuntza. Horren harira, adinean behera egin ahala euskaraz ulertzeko eta irakurtzeko erraztasuna daukatenen kopuruak gora egiten duela azpimarratzekoa da.