Turista kopurua %3 jaitsi dela dio Eustatek

2007an baino 73.000 turista gutxiago ibili zen iaz Gipuzkoan, Araban eta Bizkaian, Eustatek jakinarazi duenez. % 3 jaitsi zen turista kopurua. Hala ere, bi milioitik gora izan ziren bisitariak. Hotel eta ostatuetan bai, baina nekazal-etxeetan ez da beherakadarik igarri: balantze positiboa izan zuten joan den urtean.

2008ko abenduan igarri zen jaitsiera handiena, aurreko urtean sasoi berean baino %11 gutxiago izan zirelako turistak, 15.000 gutxiago hain zuzen.