Espainiako Guardia Zibilak lau gizonezko atxilotu ditu Teruelen (Espainia), Tuteran (Nafarroa) 15 urteko neska bat bahitzea egotzita. Gurasoek jarri duten salaketaren arabera, segurtasun indarrek ibilgailua atzeman baino bi ordu lehenago, lau gizonezkoek indarrez sarrarazi zuten nerabea euren furgonetan, eta ihesean atera ziren. Salaketa jasotakoan Guardia Zibilak kontrolak jarri zituen errepideetan eta, bi orduren buruan, onik atzeman dute gaztea.
Iturri ofizialen arabera, nerabeak harreman sentimentala izan zezakeen ustezko bahitzaileetako batekin.
Atxilotutako lau gizonezkoei neska legez kanpo atxikitzea eta bahitzea egotzi diete.
