Txartela eta Nortasun Agiria galtzen direnekoa

Ohikoa da: txartela eta Nortasun Agiria batera galduta, topatzen duenak dirua atera edo ordainketak egiteko baliatzen du jabeak bertan behera utzi baino lehen. Dirua alperrik galduta? Ausbanceko Aitor Beldarrainen esanetan, kasuak «oso bestelakoak» direnez, ezin eman arau bakarra. «Oro har, bezeroaren aldeko jurisprudentzia egon badago», kutxak edo banketxeak dirua itzultzeko. «Finantza erakundeak frogatu behar du bezeroak axolagabekeriaz jokatu duela txartela erabiltzean. Frogaren kargaren zentzuak bestelakoa izan behar du». Mota horretako kasu ugari gertatzen direla dio, baina «asko eta asko» bezeroaren alde irabazi zirela.