Askatasunak jakinarazi duenez, Txeber Zubiaga atxilotu dute Elorrion (Bizkaia), agi denez Espainiako Auzitegi Nazionalak ezarritako 8 urteko espetxe zigorra betetzeko. 2000ko abuztuan Donostian izan ziren istiluetan parte hartu, eta agintariei atentatua egitea eta lehergailuak egiteko gaiak izatea egotzita zigortu dute.
Askatasunak agertu duenez, 2000.ean istiluak izan zirenean, furgoneta batean zihoazen Elorrioko hiru gazte atxilotu zituzten liskarretan parte hartu zutelakoan. Epaitu eta zigortu egin zituzten. Handik 4 urtera, 2004ko urriaren 20an, Ertzaintzak Zubiaga atxilotu zuen Elorrion, beste gazte haien furgonetan aurkitutako jertse batean atzemandako ADNa berearekin bat zetorrelako. 2005eko otsailaren 5ean behin-behinean aske geratu zen, 3.000 euroko bermea ordainduta.
Aurtengo otsailean, berriz, epaitu egin zuten Zubiaga Espainiako Auzitegi Nazionalean, eta 8 urteko zigorra ezarri zioten: 4 urte agintarien kontrako atentatuagatiketa beste 4 lehergailuak egiteko gaiak izateagatik. Defentsak helegitea aurkeztu zuen, baina duela bi aste atzera bota zuen epaimahaiak.
Atxiloketa
Txeber Zubiaga atxilotu dute Elorrion
Furgoneta batean aurkitutako jertse baten ADNan oinarrituta 8 urteko espetxe zigorra ezarri zioten 2000ko abuztuan Donostian izan ziren istiluetan parte-hartzea egotzita. Agi denez, zigor hori betetzeko atxilotu dute.
Iruzkinak
Ez dago iruzkinik
Ordenatu
