Haserre agertu da Txelui Moreno ezker abertzaleko kidea gaur Uxue Barkosekin, hura EH Bildu eta PSNren arteko harremanez mintzatu delako. Esan du jakitun direla unea iritsi dela "proposamen partzialetatik aldaketaren aldeko indarren artean proposamen orokor bati bide emateko", eta arduraz jokatzeko eskatu dio.
Geroa Baiko parlamentariak "alternatiba eta aldaketa sakonaren" alde egin du, eta esan du beharrezkoa dela "zume progresista" horiekin lan egitea. "Ezin duguna egin da hauteskundeetara iritsi gizarteari eta alderdiei proposamen zehatzak egin gabe", esan du. Eta gaineratu du gaur egun Nafarroak ez duela alternatiba hori aurkezteko behar den oinarria.
Ezkerrari ere ireki dio atea Barkosek. "Alternatiba osatu nahi dugu, eta uste dut nahikoa garbi esan dugula norekin; noski, nahi duenarekin eta herritarrek ordezkaritza ematen diotenekin", adierazi du.
