Azken orduetan hobera egin du atzo Zaragozako Miguel Servet erietxera (Espainia) larri eraman zuten 12 urteko haurrak, osasun zentroak jakinarazi duenez. Tolosako umea Belagoara (Nafarroa) joana zen udaleku batzuetara, eta Huescako Anso bailarara joan ziren atzo txango bat egitera. Han jo zuen tximistak, 14:40 aldera.
Tximistak buruan jo zuen, eta oinetatik atera zitzaion, Guardia Zibilak jakinarazi duenez. "Egonkor" dago haurra, "larritasunaren barruan".
Beste sei umeri ere eragin zien tximistak. Zorabioak zituztela eta, erietxean artatu zituzten.
