Urriaren 24an zendu zen Txomin Ziluaga Arrate militante historikoa (Erandio, 1939-2012). "Urteetan jarduera politikoaren lehen lerroan ibili den ezker abertzalearen figura enblematikoa izan da" ezker abertzalearen hitzetan; "garai zailenetan bere tinkotasuna eta adorea" erakutsi duena. Horixe aitortu nahi dio, azken uneraino "bidailagun zintzoa" izan duenari.
Hasi-ko idazkari nagusi, HBren sortzaile, Eusko Jaurlaritzan legebiltzarkide, eta Espainiako Kongresuan diputatu izana da Ziluaga, besteak beste. Tortura eta espetxea ezagutu zituen, eta elkarrizketaren defendatzaile sutsua izan zen beti. Borroka sozialean aintzindari, eta sozialismoa egunero lantzearen aldekoa. "Eredu" hori aitortu eta omenduko du igandean ezker abertzaleak.
