Bilbao Kirolak udal sozietateari egindako eskaeraz gain, Helena Gartzia zinegotziak Bilboko Udalari eskatu dio "bere esku dagoen guztia" egin dezala, gertaera "tamalgarria" argitzeko eta halakorik berriro ez gertatzeko. Gainera, Gipuzkoako Aldundiak Antzuola-Bergara errepideko lan istripuan hartu zuen jarrera bere egiteko eskatu dio: "Irregulartasun susmorik agertzen bada, kautelazko neurri gisa, enpresa lanetatik kanpo gelditu dadila".
Ohar bidez, koalizioak elkartasuna adierazi die larri zauritutako langileari eta haren senideei.
