Txuskan Coteron izendatu dute Euskal Kazetarien Elkarteko presidente

Azken zortzi urteetan Euskal Kazetarien Elkarteko presidentea izan ondoren, Lucia Martinez Odriozolak postua utzi du; Txuskan Coteronek hartu dio lekukoa. Zuzendaritza batzordea ere berritu du elkarteak; Arturo Trueba izango da presidenteordea. Coteronena izan da hautagaitza bakarra, eta, beraz, automatikoki izendatu dute. Egun BECeko komunikazio arduraduna da, eta Kazetarien Euskal Elkargoko dekanordea. Elkargoko dekano izendatu zuten Martinez Odriozola iragan otsailaren 22an, elkargoa sortzeko batzarrean. Coteron eta Truebarekin batera, Nekane Vado, Juanma Gutierrez, Nekane Lauzirika, Montxo Urraburu, Ernesto Ubierna eta Victor Solis dira zuzendaritza batzordeko kideak.