UDABERRI ARABIARRARI BABES EMATEN

Udaberri arabiarrean esku hartu duten ekintzaileen «duintasuna eta kuraia» goraipatu ditu Amnesty International erakundeak. Mundu osoan ekitaldiak antolatu zituzten atzo, ekintzaile horiei babesa adierazteko. Haietako asko hil, torturatu, desagerrarazi eta mehatxatu egin dituztela oroitarazi zuten Amnesty Internationaleko kideek. Bilbon, irudian ikusten denez, kalean egon ziren, herritarren artean informazioa banatzen, eta sostengurako sinadurak biltzen.