Larunbat eta igande honetan Udalbiltzak Kurdistanen Udalen papera bake prozesuetan konferentzian parte hartuko du, GABB Kurdistango udal elkarteak gonbidatuta. Hitzaldi bat emango du Udalbiltzak igandean; ponentzia Udalbiltzako lehendakariorde eta Nazioarteko arduradun Maite Iturrek aurkeztuko du.
Hitzaldi horretan, Iturrek adieraziko du Euskal Herrian azken mendeetan askotariko indarkeria egon dela, eta, ETAk jarduera armatua utzi zuela bi urte igaro badira ere, oraindik gatazkaren ondorioak ez direla amaitu. Euskal Herrian bizikidetzan urratsak egiteko beharra nabarmenduko du, eta urrats horiek egiteko herri eta udalek ekarpen handia egin dezaketela defendatuko du.
Halaber, Udalbiltzari buruzko azalpen batzuk emango ditu Iturrek.
