Alkateen bake konferentzian da Udalbiltza Euskal Herriko udal eta udal hautetsien biltzarreko presidente Mertxe Aizpurua, eta konferentziaren tankerako ekimenek bakeari egin diezaioketen ekarpena goraipatu du erakundeak: "Udalbiltzaren iritziz, horrelako ekimenek garrantzia dute bakea eta bizikidetza lortzeko bidean".
Udalbiltzak uste du "kontzeptu eta jarrera subjetiboetan sartu baino gehiago, aurrera begirako lana" dela egin beharrekoa. Horien artean hiru nabarmendu ditu: "Aitortu biktima asko eta askotarikoak egon direla, giza eskubideak defenditu eta horiek sustatu, eta bizikidetzarako neurriak hartu eta garatu".
