Udako Euskal Unibertsitateak gaur jakinarazi du Eusko Jaurlaritzak urtero 1998tik eman dion diru-laguntza eten duen arren bere jardunarekin jarraituko duela eta harremanetan jarriko dela bazkide direnekin eta hainbat erakunderekin proiektuak aurrera jarrai dezan.
Aurten 177.840 euroko diru-laguntza eman dio Jaurlaritzak UEUri eta hori aurrekontuaren %25 da. Laguntza hori etetea Hezkuntza Sailaren erabaki politikoa dela adierazi du. Horrek lanpostuetan eragina izango duela, eta lan erregulazio espedientea egin beharko dutela iragarri dute ohar batean.
UEU orain dela 40 urte sortu zen, eta gaur egun 1.100 bazkide ditu.
