UEUren Udako Ikastaroek Baionan jarraituko dute gaurtik aurrera
Ikastaroak egiten hasi zirenetik 40. urteurrena da aurten, eta ekitaldi bat ospatuko dute bihar, egindako lana oroitzeko
Eibarren egin zuten lehen urratsa UEUren aurtengo Udako Ikastaroek, eta gaurtik aurrera Baionan egingo dute bigarrena. Musika hezkuntzari, kontugintzari, soziolinguistikari, parte hartzeari, elikadura burujabetzari eta egoera kritikoak gainditzeko teknikei buruzko ikastaroak emango dituzte, bihartik aurrera, Baionako IUT unibertsitatean. UEUren Udako Ikastaroek 40 urte bete dituzte aurten, bestalde. Urteurrena oroitzeko, ekitaldia egingo dute, bihar bertan, Baionako Euskal Museoan, 11:30ean. Han izango dira, besteak beste, Karmele Artetxe UEUko presidentea, Jean Haritxelar euskaltzaina eta Eneko Bidegain kazetaria.
Iruzkinak
Ez dago iruzkinik
Ordenatu
