Unai Parot berriz inputatu dute ETAko kidea izatea leporatuta

Espainiako Auzitegi Nazionalak bigarren aldiz inputatu du Unai Parot ETAkoa izatea leporatuta. 30 urteko espetxe zigorra beteta, apirilean espetxetik ateratzekoa zen Parot. Orain, berriz, bigarrengoz inputatzea erabaki du auzitegi horretako epaile Fernando Grande-Marlaskak. Epaileak gaur kaleratutako autoan dionez, 2002an Parotek ETAko zuzendaritzari bidalitako gutun bat atzeman zuen Frantziako Poliziak, eta han, "berriz ere ETAn sartzeko borondatea azaltzen zuen". Paroti "bizitza osorako kartzelaldia" ezarri nahi diotela salatu zuen Askatasunak.