Unescoren esanetan, euskararen egoera “zaurgarria” da

Unescok =lMunduan Arriskuan diren Hizkuntzen Atlasa==http://www.unesco.org/culture/ich/index.php?pg=00206=l argitaratu du, bere hirugarren edizioan, eta oraingoan Interneteko edizioa ere atondu dute. Horretan euskararen egoera koloka dagoela adierazi dute, zehazki “egoera zaurgarrian” dagoela azalduta. “Ume gehienek hitz egiten dute, baina erabilera arlo jakin batzuetara mugatuta egon daiteke”.

NBEren menpeko erakundeak lehenago argitaratu zuen atlasean euskara “arriskuan” zela zioen. Orain baremo ezberdinak erabili ditu. Erakundeari jarraiki, munduan egun mintzatzen diren 6.700 hizkuntzetatik erdiak mendea bukatu aurretik desagertzeko arriskua dute. “Galera prozesu hori gerarazteko, ezinbestekoa da gobernuek eta hiztun komunitateek berehala neurriak hartzea”.

Desagertzeko arriskuan diren hizkuntzetarako Unescoren programaren helburua nazioarteko elkarlana mobilizatzea da, egoera larri horren berri emateko eta komunitate, aditu eta erakundeen aldetik “aterabide berritzaileak” sortzea lortzeko.