Asteazkenean zenbatuko dira postaz emandako botoak, eta parlamentari banaketan aldaketak izateko tartea oso txikia izango da. Nafarroako bosgarren parlamentaria izango da Geroa Baitik UPN-PPra alda daitekeen bakarra, baina oso zail izango du eskuineko koalizioak.
1.680 nafarrek eskatu dute botoa postaz emateko aukera, eta UPN-PPk 1.134 botoren aldea atera beharko lioke Geroa Bairi, ondoren D'Hondt legea ezarrita, parlamentaria kentzeko. Geroa Bai koalizioari aitortu diotenez "ia ezinezkoa" da alde hori ateratzea. Beraz, asteazkenera arte behin betikoa izango ez den arren, bere du Uxue Barkosek bosgarren eserlekua.
