UPNk gaur jakinarazi du Berriozarko (Nafarroa) alkatetzatik kendu nahi duela Nafarroa Bai, zentsura mozioa aurkeztuta. Nafarroa Bai koalizioa (EA, Aralar, EAJ, Batzarre) atzora arte EAE-ANVrekin egon zen udal gobernuan, baina akordioa haustea erabaki du, "udal kudeaketa modu desberdinean" ulertzen dutela iritzita.
Egoera hori baliatu nahi du UPNk, eta NaBai kritikatu du, "ANVko zinegotziek udal ardurak dituztelako oraindik. Herritarrei trufa egin die alkateak, beraz".
Hiru udal ordezkari ditu Nafarroa Baik -tartean, Xabier Lasa alkatea-, ANVk eta UPNk ere hiruna dituzte, PSNk bi, eta bana IUk eta CDNk.
Gehiengo osoa behar da zentsura mozioa aurkezteko eta aurrera ateratzeko. UPNk dio PSN eta CDN alde daudela, eta IUren botoa ere lortu nahi du, ezinbestekoa zaiolako.
Sergio Sayas UPNko zerrendaburuak gaur esan du prest daudela alkatetza PSNri eskaintzeko, baldin eta horrek IUk babesa ematea errazten badu.
Politika
UPNk Berriozarko alkatetzatik kendu nahi du Nafarroa Bai
Zentsura mozioak aurrera irteteko IUren botoa beharko du, eta honen babesa lortzeko UPN prest dago alkatetza PSNri eskaintzeko. NaBaik ANVrekin zeukan udal akordioa hautsi zuen atzo.
Iruzkinak
Ez dago iruzkinik
Ordenatu
