Nafarroako Parlamenturako hauteskundeetara UPNk aurkeztu beharreko zerrenda nortzuek osatuko duten, alderdiaren Zerrenden Batzordeak proposatuko du. Ondoren, zerrenda horri oniritzia eman behar dio Kontseilu Politikoak. Hortaz, Javier Esparza hautagaitzari uko egiteko prest agertu ostean, bi organo horien esku dago alderdiko zerrenda osatuko duten izen-abizenak erabakitzea.
Barcina zerrendan ez egotea jarri du baldintza gisa Esparzak bera zerrendaburu izateko. Barcinak, ordea, zerrendan aurkezteko asmoa azaldu du, eta hura da Zerrenden Batzordeko presidentea. Kontseilu Politikoa martxoaren 27an da biltzekoa, Zerrenden Batzordearen proposamena aztertzeko.
