Enrique Maia da bart gauetik UPNren alkategaia Iruñerako, Kontseilu Politikoaren batzarraren %91,77ko babesa jaso ondotik —aldeko 145 boto, kontrako sei eta zazpi abstentzio—. UPNko kideak eskertu ditu Maiak, "sekulako ilusioa" egiten diolako hiriko buru izateko aukera edukitzeak. Bera, baina, ez dago UPNn afiliatua.
Udaleko Hirigintza batzordeburua da gaur egun, eta hamabi urte daramatza "batzorde horrekin lanean".
"Iruñeari buruzko aditua da Maia", adierazi du Yolanda Barcina alkateak (UPN). "Hiriko alkaterik onena izango da". Alderdiari eskerrak eman dizkio Barcinak hura hautatzeagatik, eta azpimarratu du UPN modu horretara "gizartera gehiago zabaldu" dela.
1999tik da Barcina Iruñeko alkatea. Maiatzeko bozetan Nafarroako lehendakarigai izango da hura UPNren izenean.
politika
UPNren alkategaia Iruñerako, Enrique Maia
Udal Hirigintza batzordeburuak Kontseilu Politikoaren %91ko babesa jaso du. Ez dago UPNn afiliatua.
Iruzkinak
Ez dago iruzkinik
Ordenatu
