Urbancasako bi arduradun epaituko dituzte bihar

DONOSTIA. Urbancasa eraikuntza enpresako bi arduradunen aurkako epaiketa hasiko da bihar. Euren jabetzakoak ez ziren lurrak eta, gainera, eraikitzeko asmorik ez zuten etxebizitzak saltzeagatik epaituko dituzte. 44 erosleri egin zietela iruzurra eta modu horretara 1,17 milioi euro lortu zituztela dio Gipuzkoako Fiskaltzak. Ia zortzi urteko espetxe zigorra eskatu du haien aurka.