Uribe Garaiko ekimen ibiltariak lekukoa pasatuko du gaur

Uribe Garaian euskal presoen aldeko ekimen ibiltaria izan da aste honetan. Hamabi lagunek parte hartu dute ekimenean, astebeteko baraualdia eginez. Astean eskualdeko eragile politiko, sindikal eta sozialekin bildu dira, euskal presoen eskubideen inguruan konpromisoak lortze aldera. Ekimena amaituta, Bilbok eta Goierrik hartuko dute lekukoa gaur, eta astelehenean, gazte mugimenduko talde batek gauza bera eginen du.

Uribe Garaiko ekimen ibiltararia manifestazio batekin amaituko da. Manifestazioa gaur 13:00etan aterako da, Labeaga aretotik. Mobilizazioak Euskal presoen eskubideen alde leloa izanen du.

Manifestazioarekin bat egin dute, besteak beste, Batasunak, Herribidek, Pagotxetak, ESK-k, ELAk, LABek, Segik, Urretxu-Zumarragako Gazte Asanbladak, Ikasle Abertzaleek eta Askatasunak .

Ekimeneko kideak aste honetan eragile gehiagoren parte-hartzea lortzen saiatu dira. Manifestazioaren ondoren, aste bateko baraualdia amaituko dute.