Kolonbia
Uribe presidente hautatu dute berriro botoen %62arekin
Lau urte gehiagoz aginduko du Alvaro Uribek Kolonbian. Inkestetan faboritoa zen eta botoen %62,12a eskuratu du. Botoen %96a zenbatuta dago eta emaitza honi esker ez da bigarren itzulirik beharko. Bigarren agintaldian bere segurtasun politikari eutsiko diola zin egin zuen Uribek. Carlos Gaviria ezkerreko hautagaiak botoen %22a bereganatu du.
Duela lau urte lortutako emaitza hobetzea lortu du Uribek. Izan ere, zenbatzeko botoen %4 bakarrik falta da eta 7.103.186 boto bereganatu ditu. Orain lau urte egin ziren hauteskundeetan, berriz, 5.862.655 lortu zituen. Orduan ere lehen itzulian garaitu zuen Horacio Serpa. Kolonbiako presidentetzarako hauteskunde batzuetan inoiz lortu den babesik handiena izan du Uribek. Herritarren parte hartzea, baina, oso baxua izan da: %45ekoa.
Iruzkinak
Ez dago iruzkinik
Ordenatu
