Josu Uribetxebarriaren osasun egoerak okerrera egin duela dio Justizia ministroaren barnean dagoen mediku taldeak, Europa Press berri agentziak jakinarazi duenez. Biriketan eta garunean dituen metastasiek okerrera egin dutela ondorioztatu dute mediku horiek, presoa aztertu eta gero. Beraz, hura espetxera itzultzearen kontra azaldu dira.
Uribetxebarriak tratamendu berri bati ekin behar dio, txosten horien arabera, eta tratamendu horrek arrisku eta zehar kalte ugari ditu. Txosten horretan hiru edo lau hilabeteko bizi-itxaropena ematen diote preso arrasatearrari.
Duela urtebete joan zen Uribetxebarria Donostiako ospitaletik Arrasateko etxera. Espainiako Barne Ministerioak presoaren egoera berriz aztertzeko eskatu zuen udan, eta eskaera horri erantzuten dio txosten berri honek.
