Espainiako Espetxe Zuzendaritzako Idazkaritza Nagusiak haren osasun egoerak hobera egin duen ala ez jakiteko txosten bat eskatu du, Espainiako Barne ministro Jorge Fernandez Diazek gaur jakinarazi duenez.
Espetxe Zuzendaritza Uribetxeberriaren egoeraren diagnosia egin zuten mediku berdinei zuzendu zaie, presoaren egungo osasun egoeraren berri emateko. Fernandez Diazen aburuz, garrantzitsua da jakitea presoaren egoera berdina den ala ez: “Komenigarria da jakitea gaixotasunaren bilakaera zein izan den, epaileak erabaki egokia har dezan”.
