Orain, hauek dira zuzendaritzako kideak: Mariano Alava (Antolakuntza idazkaritza), Unai Ziarreta (Politika Instituzionala), Ikerne Badiola (Komunikazioa), Alberto Unamunzaga (Elkarbizitza eta Giza Eskubideak), Edurne Gumuzio (Formakuntza eta Zuzenbidea), Iñaki Varas (Gizarte Gaiak), Leire Pinedo (Ekonomia eta Zerga Politika), Pili Robles (Euskara, Kultura eta Hezkuntza), Iñaki Ezkurra (Ingurumena), Lorena Lopez de Lacalle (Nazioarteko Politika) eta Urizar bera.
Urizarrek eta zuzendaritza berriak 277 bototik 268 jaso dituzte; kontrako boto bakarra izan da, eta hamahiru abstentzio.
Independendentziaren bidean urratsak egitearen alde agertu da Urizar, karguan berriro hautatua izan ondorengo hitzaldian. "Independentziarako prozesua herritarrekin adostu behar da aurrena eta estatuekin ondoren". Esan duenez, "egoerak behartuta" onartuko dute soilik Espainiak eta Frantziak akordio bat, "estrategia subiranista aktiboak behartzen dituztenean, inola ere ez lehenago".
"Azkenean, estatuek ez dute herritarrek bozkalekuetan onartutako alde bakarreko subiranotasun adierazpena onartu beste aukerarik izango", azaldu du.
Indar metaketa beharrezkotzat jo du Urizarrek prozesu horretan. "Printzipio demokratikoaren" alde egin du; "azken erabakia euskal herritarrei eta soilik haiei dagokienaren premisaren" alde. "Printzipio demokratikoaren bidea da gaur egungo prozesu subiranista guztiek lehenesten dutena, eta Eskozia da adibide bat". Horrela, Urizarrek adierazi du bide subiranistan "praktikari ekiteko" garaia dela.
