Carlos Urkijo Espainiako Gobernuaren EAEko ordezkaria "erabat harrituta eta kezkatuta" agertu da gaur, Iñigo Urkullu EAJren EBBko presidenteak atzo egindako adierazpenen ondotik. "Sekulako hutsegitea" egin zuela ohartarazi du, Eusko Jaurlaritzaren egoera ekonomikoa "biziki larria" zela esanda.
"Urkulluk duen erantzukizuna edukita, desegokiak" dira adierazpen horiek, Urkijoren arabera. "Zentzugabetzat" jo ditu Urkulluren esanak, eta, haren ustez, horrelako adierazpenek "arriskuan" jartzen dute herritarren konfiantza.
