Egoera ekonomikoaren argazkia ateratzeko baliatu du Iñigo Urkullu lehendakariak hitzaldiaren lehen zatia, eta keinua ere egin die sozialistei itun ekonomikoarekin bat egin dezaten. Urkulluk ohartarazi du egoera ekonomikoak hobera egin duen arren —%1eko hazkundea iragarri du aurtengo, eta %1,7koa datorrenerako— orain "zailena" geratzen dela egiteko: "hazkunde iraunkorrera itzultzea eta enplegu egonkorra sortzea".
Urkulluk ez du datua zehaztu, baina gobernuaren aurreikuspenen arabera, 5.300 dira 2015ean sortzea espero diren lanpostu garbiak. #bilkura14
— Ivan Santamaria (@santagasteiz) September 25, 2014Bide beretik, iragarri du Jaurlaritzaren konpromisoa dela osasun, hezkuntza eta babes soziala bermatzea eta horretara bideratuko duela aurrekontuaren %70. "Euskadik estatuko herritarren %5 dauka, baina, diru sarrerak bermatzeko errentan, estatuko gastu osoaren %40 gainditzen du".
Gizarte zerbizuen eta gizarte babeserako araudiaren «eguneratzea» planteatuko die Urkulluk beste alderdi eta erakundeei. #bilkura14
— Ivan Santamaria (@santagasteiz) September 25, 2014Bigarren akordio bat ere proposatuko du Urkulluk, gazte enplegua sustatzeko. Gazteei lehen lan aukera bermatzea luke helburu. #bilkura14
— Ivan Santamaria (@santagasteiz) September 25, 2014Bakea eta bizikidetzaren gaiaz aritu da ondoren Urkullu. "Nahasgarria" izango ez den memoria historikoa eraikitzeko beharra nabarmendu du, "giza eskubideak eta oinarri demokratikoak" kontuan hartuko dituena. Bide beretik, espetxe politika berriak egiteko beharra eta sakabanaketaren amaiera ere aipatu ditu lehendakariak. Lehendakariak, Hitzeman programa "legezko bidea" dela esan ondotik (hitzaldiko 17. orrian dator Hitzemani buruzkoa), presoei "biolentziaren aurka garbi-garbi" azaltzeko eskatu die, baita giza eskubideak urratu baditu "autokritika" egitea ere.
Espetxe politika berria eskatu du @iurkullu -k. "Gizarteratzearen aldeko banakako eta taldekako prozesuak" bultzatuko ditu. #bilkura14
— edurnebegiristain (@ebegiristain) September 25, 2014Arnaldo Otegi-eta zuzenean aipatu gabe, gogoan izan ditu haiek, "legezko erantzun bat eskatzen eta aldarrikatzen dugu lehen legez kanpoko ziren baina gaur legezko diren jarduera politikoengatik zigortuta daudenentzat" esan duenean.
"Demokrazia erabili behar dugu legea borondate politikora moldatzeko, hitzarmenaren bidez", esan du Urkulluk, eta Eskozia jarri du adibide: "Han ikusi dugu posible dela borondate politikoaren bidez herriak bere etorkizunari buruz erabakitzea". Horretarako, ordea, beharrezkoak dira "elkarrizketa, negoziazioak eta akordioak". Hala, autogobernua eguneratzea, burujabetza gehiago lortzea eta herritarrei galdetzea dira Urkulluren proposamenaren oinarriak.
"Euskal gizartearen borondate askea jasoko duen itun politiko berria beharrezkoa da", dio @iurkullu -k. #bilkura14
— edurnebegiristain (@ebegiristain) September 25, 2014"Estatu ikuspegia" izatea eskatu dio Espainiako Gobernuari itun politiko berri bat lortzeko. #bilkura14
— edurnebegiristain (@ebegiristain) September 25, 2014Espainiako Gobernuarekiko harremanak ere aipagai izan ditu Jaurlaritzako buruak, esanez "aldebakarkeriaz" jokatzen ari dela Mariano Rajoyren gobernua, eta ondorioz "ahitzen" hasia dela bien arteko elkarrizketa.
"Egonkortasun eta gobernagarritasunaren alde" lan egiten jarraitzeko konpromisoaren amaitu du Urkulluk agerraldia.
Azken hitzak @iurkullu -k. "Aurreratzean erakunde guztien egonkortasunaren eta gobernagarritasunaren alde lan egingo dut". #bilkura14
— edurnebegiristain (@ebegiristain) September 25, 2014
