URKULLU, IZAGIRREREKIN

Aste Nagusia dela-eta Donostiako Udalak urtero antolatzen duen ekitaldian izan dira, EAJko zinegotziez gain, EBBko buru Iñigo Urkullu eta GBBko Joseba Egibar. Argazkian, Urkullu eta Egibar Izagirre alkateari eskua luzatzen, Donostiako Udaleko EAJren bozeramaile Eneko Goiarekin batera, atzo. PPko eta PSE-EEko zinegotziak, aldiz, ez dira joan Donostiako udaletxeko ekitaldira, iaz Izagirrerekin topa egin izanagatik eztabaida piztu zelako.