Iñigo Urkullu EAJko EBBko presidenteak "euskal autogobernu baten alde pausoak" emateko proposatuko dio bihar Mariano Raxoi Espainiako presidenteari, bien arteko bileran. Horretarako, Gorteetako eta Eusko Legebiltzarreko alderdi politiko guztien arteko akordioa lortzea beharrezkoa dela uste du. Krisia eta bake prozesua ere izango dituzte hizpide Moncloako batzarrean.
1998an PPk hartutako neurriak gogoraraziko dizkio Urkulluk Raxoiri, orduko gobernuak "neurri malguagoak" hartu baitzituen ETAko presoei dagokionez. Orain, ETAk jarduera armatuaren amaiera iragarri ondoren, testuingurua "erabat ezberdina" da, eta Urkulluren arabera, PP jakitun da garai berri bat martxan dagoela. "ETAren disoluzioa eta desarmatzea aipatzen den bezala, gordetako materialaren metatzea egin ahal izatea" espero du Urkulluk.
Iñaki Oiarzabal EAEko PPko idazkari nagusia Raxoik eta Urkulluk egingo duten bileraz mintzatu da, eta Urkullu "izpiritu eraikitzailearekin" joatea espero du. Raxoi "elkarrizketarako ahalmena" erakusten ari dela gaineratu du, "lehendakariarekin, Urkullurekin eta gainerako alderdi politikoekin".
