Iñigo Urkullu EAJko Euzkadi Buru Batzarreko (EEB) lehendakariak uste du ETAk azaroaren 20ko Espainiako hauteskundeak baino lehen "behin betiko amaiera" iragarriko duen adierazpena aterako duela, baina horrek ez duela esan nahiko desegin egin denik. Hala, "ETAren bukaera" datorren Espainiako Gobernuak kudeatu beharko duela adierazi du Urkulluk.
Asteleheneko Nazioarteko Konferentziari garrantzia ematen dio EBBko presidenteak. "Espainiako Gobernuko edo Eusko Jaurlaritzako ordezkaririk egongo ez den arren, atzerriko pertsonalitateak eta horiek artean Europako Batasuneko estatu kideetan gobernu ardurak izan dituztenak izateak esan nahi du ahalegin diplomatikoa dagoela pertsonalitate batzuek muga edo arazorik gabe parte hartzeko aukera izan dezaten”.
Konferentziatik "denen arteko planteamendua" irtetea espero du Urkulluk, "ETAri esateko honek behingoz amaitu behar duela”.
