Urratsak eskatu dizkiote Raxoiri, «hondoa jo ez dezan bake prozesuak»

Madril-Donostia. Bakea eta demokrazia Euskal Herriarentzat manifestuaren izenpetzaileek (600dik gora dira) urratsak egin ditzala eskatu diote Mariano Raxoiri, «hondoa jo ez dezan bake prozesuak», jadanik aitzakiarik ez dagoelako. Euskal presoen auziari heltzeko, gaixorik daudenak, zigorra betea dutenak edo 3/4ak egin dituztenak askatzeko, ezker abertzaleko buruzagiak askatzeko eta ETArekin elkarrizketa abiatzeko eskatu diote. Carlos Taibo eta Antonio Alvarez Solisek hartu dute hitza.