Segiko kide direlakoan edo herriko tabernekin zerikusia dutelakoan auzipetu dituzten 76 euskal herritarren auziaz hitz egitera joan dira Ion Telleria, Karmelo Landa, Sabino del Bado eta Aritz Lopez. Belfasten izan ziren atzo Telleria eta Del Bado Stormonteko legebiltzarrean, eta hainbat legebiltzarkiderekin bildu ziren, urriko epaiketez gain, Herrira mugimenduaren aurka egindako Polizia operazioaren berri emateko. "Harridura" eta "kezka" adierazi zuten legebiltzarkide irlandarrek.
Ondoren, Martin McGuinness Irlanda Iparraldeko lehen ministrordearekin eta Pat Seehan parlamentari eta preso ohiarekin egin zuten bilera. McGuinnessek babesa adierazi die auzipetuei eta "izugarrikeriatzat" jo du Herrira-ren aurkako operazioa.
Belfasten ere Coiste presoen sostengu taldeko Michael Culbertekin egin zuten auzipetuek bilera. Herrira-ren aurkako operazioaz jardun zuten bereziki eta bake prozesuaren alde egiteko konpromisoa hartu zuen Culbertek.
Gaur Dublineko legebiltzarrean izango dira Telleria eta Del Bado.
Bestetik, hainbat bilera egingo dituzte bihar Landa eta Lopez auzipetuek Europako Parlamentuko legebiltzarkideekin, eta agerraldia egingo dute 13:00etan. Friendshipeko kideekin batera izango da Landa. o go
