"Konponbidea aldarrikatzeko eguna" izango da urtarrilaren 10a, Etxerat elkartearen esanetan. Egun horretarako, euskal presoen eskubideen aldeko mobilizazioa antolatu du Sarek, eta bertara joatera deitu du Etxerat-ek: "Ardura, konpromisoa, etorkizun hobe baterako zubia eraikitzean Bilboko ekitaldiak garrantzi handia izango du, sakabanaketa amaitzeko beste argi bat jarriko dugulako guztion artean".
Asteburu horretan, "itxaropenaren izenean", espetxeko bisitari uko egingo diote senideek, "Bilbon Berlingo Harresia bezalakoa den espetxe politika betiko amaitzeko".
Euskal preso ugariri eragingo die gaur Espainiako Auzitegi Gorena Frantziako espetxealdia aintzat hartzeaz erabakiko duenak; horregatik, egun "urduria" da gaurkoa presoen senideentzat, Etxerat-en arabera.
