Araba, Bizkai eta Gipuzkoan banatzeak eta dibortzioak gutxitu egin ziren 2012. urtean, aurreko urtearekin alderatuta; hala ere, igo egin da auzitegian amaitu duten kasuen kopurua, batik bat Bizkaian —kasuen %41,5 izan dira—. Kidetza Euskadiko Guraso Bananduen Federazioak eman ditu datuok.
2012ko urtarrila eta iraila artean 3.325 banatze eta dibortzio izan ziren —1.744 Bizkaian, 1.055 Gipuzkoan eta 526 Araban—; iazko epe berean, berriz, 3.377 izan ziren.
Auzitegian amaitu duten kasuak %2,4 igo dira, eta, beraz, kasuen %36,4 dira —Bizkaian kasuen %41,5, Gipuzkoan %29 eta Araban %37,5—.
