Facebook eta Twitter sare sozialen bitartez ETA goratu eta biktimak umiliatu zituela ebatzita, Espainiako Auzitegi Nazionalak urtebeteko zigorra ezarri dio Asier Garciandia arbizuarrari.
Garziandia 2014ko apirilean atxilotu zuten, Armiarma I polizia operazioan. Guztira hogeita bat lagun atzeman zituzten, horietatik hamabost Euskal Herrian, sare sozialetan "ETAren terrorismoa goratzea" egotzita. Eloy Velasco epailearen agindupean egin zituzten atxiloketak, eta egun berean aske utzi zituzten atxilotutako denak.
