Iruñeko 2. Zigor Epaitegiak urtebeteko kartzela zigorra ezarri die bi gazteri, PPko bi zinegotzi mehatxatzea egotzita. Epaia ez da irmoa, helegitea jarri daiteke.
Burlatan (Nafarroa) sortu ziren istiluak, herri bazkari baten ostean, 2009an. Amaia Zarranz PPren Tafallako idazkariak adierazi zuen bazkarian zinegotzien aurkako "oihuak botatzen eta abestiak kantatzen" aritu zela "herritar talde bat". Istiluen ondoren, Poliziak hainbat herritar identifikatu zituen.
