Euskal Herriko bake prozesuari babesa agertu asmoz, Uruguaiko Legebiltzarrak, Centro Euskalerria euskal etxearekin elkarlanean, hango eta hemengo ordezkarien arteko topaketak antolatu ditu datorren ekainaren 5erako.
Ekitaldia Uruguaiko Legebiltzarrean egingo da, Ordezkarien Ganberako aretoan, eta bertan parte hartuko dute, besteak beste, Ordezkarien Ganberako presidenteak, Lucia Topolansky senatariak, Julio Sanguinetti presidente ohiak eta Lokarriko koordinatzaile Paul Riosek.
Komunikatu baten bidez, Montevideok txalotu egin ditu orain arte emandako aurrerapausoak, eta alde guztiak lanean jarraitzera deitu ditu.
