Idatzi bat aurkeztu dute egitasmoa sustatu duten hainbat ordezkarik Bilbon, Batzar Nagusien egoitzan. Galdeketa babesteko eskatu diete EAJ, EH Bildu, PSE-EE eta PPri, azaroaren 23rako antolatu duten erreferendumak "gardentasuna" izan dezan eta "ahalik eta demokratikoena" izan dadin.
Sustatzaileen asmoa da Batzar Nagusien bidez Bizkaiko Foru Aldundiak "beharrezko baliabideak" jartzea galdeketa egin ahal izateko. "Aktiboki" parte har dezan ere nahi dute, eta mahaiak, hautetsontziak eta beste antolatzeko oinarrizko arauak jar ditzala.
