Guardia Zibilak Ciudad Realen (Espainia) ustez ETArenak diren lehergaiak aurkitu zituen atzo arratsaldean, bi lapikotan. Tenporizatzailea ere izan arren, ez zeuden eztanda egiteko moduan oraindik. Guardia Zibilak lehergaiak laborategi batera eraman ditu, aztertzeko. Itxuraz, ETAren 2006ko su-etena baino lehenago han utzitako materiala da eta hau nahikoa hondatuta dago. Denera, amonalez eta kloratitaz osatutako hamabi kilo zeudela esan dute polizia iturriek.
Piedrabuena eta Retuerta herrien artean zeuden lehergaiak, urtegi baten ondoko errepide ertzean, eta pertsona batek abisu eman ondoren aurkitu zituen Guardia Zibilak. Aparagailu elektriko bat bazela ere esan dute eta honek ETAren anagrama duela.
Ustez ETArenak diren lehergaiak aurkitu ditu Guardia Zibilak Espainian, nahikoa hondatuta
Ciudad Realen topatu ditu amonalez eta kloratitaz osatutako hamabi kilo, errepide ertzean. Duela bi urte han utzitako materiala dela diote.
Iruzkinak
Ez dago iruzkinik
Ordenatu
