Barkosek adierazi du Navarrometroak aldaketa adierazten duela, baina gizarteak erabakiko duela nor duen protagonista. "Ekonomia eta balore krisiarekin batera, ETAren desarmatzeak ere eragingo du Nafarroako aldaketa". Horrekin batera, Euskal Autonomia Erkidegoaren eta Nafarroaren arteko harremanak ere gizarteak erabakiko dituela esan du.
Barcinaren erabakiaz azpimarratu du adierazgarria dela hauteskundeetara ez aurkezteko erabakia jakinarazi eta segidan CAN auzia irekitzea Auzitegi Nazionalak. Hala ere, uste du Barcinaren arrastoa luzerako geldituko dela. "UPNk utzitako arazoak bideratzea ez da erraza izango, baina hobe lehen bait lehen hastea".
